لاہور ہائی کورٹ نے سابق وزیراعظم نوازشریف کے بیانات میڈیاپرنشرکرنے سے روکنےکی درخواست پر پیمرا سے جواب طلب کرلیا۔
تفصیلات کے مطابق لاہور ہائی کورٹ سابق وزیراعظم نوازشریف کے بیانات میڈیاپرنشرکرنے سے روکنےکی درخواست پر سماعت ہوئی۔
جسٹس شاہد کریم نے اظہر صدیق ایڈووکیٹ کی درخواست پر سماعت کی ، وکیل درخواست گزار نے عدالت کو بتایا کہ نواز شریف سزا یافتہ اور عدالتی اشتہاری ہیں، پیمرا 2020میں نواز شریف کی تقاریر نشر کرنے پر پابندی عائد کر چکا ہے۔
وکیل کا کہنا تھا کہ پابندی کے باوجودمیڈیا پر نواز شریف کے بیانات نشر ہو رہے ہیں، پیمرا اس معاملے پر کوئی ایکشن نہیں لےرہا۔
درخواست گزار کے وکیل نے استدعا کی کہ عدالت نواز شریف کی تقاریرپرپابندی کے فیصلے پر عمل درآمد کا حکم دے اور نواز شریف کی تقاریرنشر ہونے سے روکنے کا حکم دے۔
عدالت نے درخواست پر پیمرا سے جواب طلب کرتے ہوئے ڈپٹی اٹارنی جنرل اسد باجوہ کو ہدایات لے کر پیش ہونے کی ہدایت کر دی۔
