صدر مملکت ڈاکٹر عارف علوی نے ضمنی فنانس بل 2023 (منی بجٹ) پر دستخط کردیئے۔
حکومت نے آئی ایم ایف سے قرض کے حصول کے لیے طے کی گئی شرائط پر پارلیمنٹ سے 170 ارب روپے کے ضمنی فنانس بل 2023 (منی بجٹ) منظور کرایا تھا۔
پارلیمنٹ سے منظوری کے بعد بل کو صدر مملکت کی حتمی منظوری کے لیے ایوان صدر بھیجا گیا تھا۔
صدر مملکت ڈاکٹر عارف علوی نے ضمنی فنانس بل 2023 پر دستخط کردیئے ہیں، بل کا اطلاق فوری طور پر ہوگا۔
بل کی منظوری سے حکومت کی جانب سے جی ایس ٹی میں ایک فیصد اضافے اور تمباکو پر عائد ٹیکس بڑھانے سمیت دیگر حکومتی اقدامات کو قانونی تحفظ حاصل ہوگیا ہے۔
گزشتہ روز کابینہ نے بھی 200 ارب روپے سالانہ کی بچت کے منصوبے کی منظوری دی تھی۔
کابینہ اجلاس کے بعد پریس کانفرنس میں وزیر اعظم نے اعتراف کیا تھا کہ آئی ایم ایف معاہدے کے نتیجے میں مزید مہنگائی ہوگی۔
