رواں مالی سال کے پہلے 7 ماہ کے دوران پاکستان نے کھانے پینے کی اشیا کی درآمدات پر 1347 ارب روپے کے مساوی زرمبادلہ خرچ کردیا۔
وفاقی ادارہ شماریات کی جانب سے جاری اعداد و شمار کے مطابق رواں مالی سال کے ابتدائی 7 ماہ (جولائی تا جنوری) کھانے پینے کی اشیا کی درآمدات پر 6 ارب ڈالر کی رقم خرچ ہوگئی۔ جو کہ گزشتہ مالی سال کے اسی دورانیئے کے مقابلے میں 6.29فیصد زیادہ ہے۔
کھانے پینے کی اشیا کی درآمدات کا حجم اگر پاکستانی روپے میں دیکھا جائے تو گزشتہ سال کے مقابلے میں یہ 40 فیصد بڑھ گیا ہے۔ گزشتہ برس جولائی تا جنوری پاکستان نے 958 ارب روپے کی کھانے پینے کی اشیا درآمد کی تھیں جب کہ رواں برس اسی دورانیے کا حجم 1347 ارب روپے سے تجاوز کرگیا ہے۔
واضح رہے کہ رواں سال بھی گزشتہ سال کی طرح گندم، دودھ، کریم، چائے، خشک میوے، مصالحے، سویا بین، پام آئل اور دالیں دنیا کے مختلف ملکوں سے منگوائی گئیں
