تازہ ترینخبریںپاکستان

لکی مروت میں پولیس نے دہشت گردوں کا حملہ ناکام بنا دیا

پاکستان کے صوبہ خیبرپختونخوا کے ضلع لکی مروت میں پولیس نے ایک پولیس اسٹیشن پر مسلح دہشت گردوں کے حملے کو ناکام بنا دیا۔

لکی مروت کے بخمل تھانے پر دہشت گردوں نے حملہ کیا اور پولیس اہلکاروں پر فائرنگ کردی جس پر پولیس نے جوابی فائرنگ کی اور فائرنگ کے تبادلے کے بعد دہشت گرد موقع سے فرار ہوگئے۔

واقعے میں کسی جانی نقصان کی اطلاع نہیں ملی، ذرائع کا کہنا ہے کہ قبائلی عمائدین نے بھی ہتھیار اٹھا لیے اور بڑی تعداد میں پولیس اہلکاروں کی مدد کے لیے باہر نکل آئے، انہوں نے پولیس فورس کے حق میں نعرے بھی لگائے۔

اس موقع پر عمائدین کا دہشتگردوں کے نام اپنے پیغام میں کہنا تھا کہ دہشت گردی کے خلاف جہاد کا اعلان کرتے ہیں، ہمارے علاقے میں نہ آئیں۔

واضح رہے کہ اس سے قبل 7 فروری کو لکی مروت میں سکیورٹی فورسز اور پولیس کی جانب سے انٹیلی جنس پر مبنی آپریشن میں کم از کم 12 دہشت گرد مارے گئے تھے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button