تحریک انصاف کے چیئرمین عمران خان سے گرفتار رہنما فواد چوہدری کی اہلیہ حبا فواد چوہدری نے لاہور زمان پارک میں ملاقات کی۔
تحریک انصاف کے اعلامیے کے مطابق ملاقات میں عمران خان نے کہا کہ فواد چوہدری کے ساتھ ہونے والا غیرقانونی اورناروا سلوک قابل مذمت ہے۔
چئیرمین تحریک انصاف عمران خان سے حبا فواد چوہدری @HibaFawadPk کی ملاقات
"فواد چوہدری کے ساتھ ہونے والے غیرقانونی اور ناروا سلوک اور فیملی کے ساتھ ملاقات نہ ہونے دینا قابل مذمت ہے- فواد چوہدری اور ان کے خاندان نے مشکل وقت میں بہادری کا مظاہرہ کیا" – چئیرمین عمران خان pic.twitter.com/bswqAEUpeG
— PTI (@PTIofficial) January 29, 2023
انہوں نے کہا کہ فواد کی فیملی سے ملاقات نہ ہونے دینا قابل مذمت ہے ، فواد چوہدری اور ان کے خاندان نے مشکل وقت میں بہادری کا مظاہرہ کیا
خیال رہے کہ گزشتہ دنوں پی ٹی آئی رہنما فواد چوہدری کو اسلام آباد پولیس نے الیکشن کمیشن کے خلاف نفرت پھیلانے کے الزام میں گرفتار کیا تھا اور اب وہ جسمانی ریمانڈ پر ہیں۔
