تازہ ترینجرم کہانیخبریں

ڈلیوری بوائے کے ساتھ پیش آنے والا خوفناک واقعہ : ویڈیو وائرل

بھارت میں ڈلیوری بوائے پر تشدد کے واقعات ایک عام سی بات ہوگئی ہے، جس کا دل چاہتا ہے انہیں کمزور سمجھ کر اپنا رعب جمانے کی کوشش کرتا ہے۔

ایک ایسا ہی واقعہ بھارتی ریاست تامل ناڈو میں پیش آیا جہاں ایک ڈلیوری بوائے کو بلاوجہ بہیمانہ تشدد کا نشانہ بنایا گیا، جس کی ویڈیو سوشل میڈیا پر وائرل ہورہی ہے۔

تامل ناڈو کے علاقے ویلور میں ایک چونکا دینے والے واقعے میں ایک ڈلیوری ایجنٹ کو دو ملزمان نے بے دردی سے تشدد کا نشانہ بنایا۔

مذکورہ ڈیلیوری ایجنٹ جس کی شناخت 22سالہ تھیرو مالائی واسن کے نام سے ہوئی ہے گزشتہ رات آرڈر دینے کے بعد اپنی شاپ پر واپس جارہا تھا۔

راستے میں کھڑے نشے میں دھت دو موٹر سائیکل سوار افراد نے اسے روکا اور مختلف سوالات کرنے لگے اسی دوران انہوں نے لڑکے کو بری طرح مارنا شروع کردیا یہاں تک کہ وہ بے سدھ ہوکر زمین پر گرگیا۔

اس واقعے کو وہاں سے گزرنے والے ایک مقامی شخص نے اپنے موبائل فون میں ریکارڈ کرلیا۔ ویڈیو میں دیکھا جاسکتا ہے کہ ایک فوڈ ڈلیوری کرنے والا لڑکا بیچ سڑک پر پڑا ہوا ہے۔

ایک شخص اسے اٹھا کر سڑک کے ایک جانب لٹا دیتا ہے جسے بعد ازاں طبی امداد کیلیے اسپتال منتقل کردیا گیا جہاں اس کی حالت تشویشناک بتائی جارہی ہے۔

علاقہ پولیس نے فوری کارروائی کرتے ہوئے ملزم پارتھیبن اور تانیکاچلم کیخلاف مقدمہ درج کرکے ایک ملزم کو گرفتار کرلیا، زخمی لڑکے کے والدین نے ملزمان کے خلاف سخت کارروائی کا مطالبہ کیا ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button