تازہ ترینخبریںپاکستان سے

بجلی کے بریک ڈاؤن کی وجہ سامنے آگئی

ملک میں 23 جنوری کو ہونے والے بجلی کے بریک ڈاؤن پر این ٹی ڈی سی نے اپنی ابتدائی تحقیقاتی رپورٹ پاور ڈویژن کو جمع کرا دی۔

این ٹی ڈی سی کی رپورٹ کے مطابق 23 جنوری کی صبح فریکوئنسی میں اتار چڑھاؤ پیدا ہوا، جس کے باعث 500 کے وی کی ٹرانسمیشن لائنز پر ٹرپنگ ہوئی۔

رپورٹ کے مطابق ٹرپنگ کی وجہ سے این ٹی ڈی سی اور کے الیکٹرک کا سسٹم بیٹھ گیا، سسٹم بیٹھنے سے 11 ہزار 356 میگا واٹ بجلی سسٹم سے آؤٹ ہوئی۔

این ٹی ڈی سی کی رپورٹ میں بتایا گیا ہے کہ بنیادی فالٹ گڈو ٹرانسمیشن لائنوں میں آیا، جس کے بعد تربیلا، منگلا اور وارسک سے بجلی کی بحالی کا عمل فوری شروع کیا گیا۔

رپورٹ میں یہ بھی کہا گیا ہے کہ تربیلا، منگلا اور وارسک میں متعدد بار ٹرپنگ ہوئی، شام 5 بجے بجلی کے لیے منگلا کا سسٹم سیکیورٹائز کیا گیا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Social Media Auto Publish Powered By : XYZScripts.com