تازہ ترینخبریںسیاسیات

پنجاب، خیبر پختونخوا میں الیکشن کی تاریخ نہ آنے پر تشویش ہے، چوہدری پرویز الہٰی

سابق وزیراعلیٰ پنجاب چوہدری پرویز الہٰی نے کہا ہے کہ پنجاب اور خیبر پختونخوا میں الیکشن کی تاریخ نہ آنے پر تشویش ہے۔

عمران خان سے ملاقات کے بعد میڈیا سے گفتگو میں پرویز الہٰی نے کہا کہ الیکشن کمیشن کے متنازع اقدامات پر احتجاج جاری رکھنے کا فیصلہ کرلیا ہے۔

انہوں نے کہا کہ عمران خان سے ملاقات میں الیکشن کمیشن کےاقدامات کے خلاف آئینی آپشنز پر بات ہوئی۔

سابق وزیراعلیٰ پنجاب نے مزید کہا کہ اس دوران اعلیٰ عدلیہ سے رجوع کرنے اور دیگر سیاسی آپشنز پر بھی گفتگو کی گئی۔

ان کا کہنا تھاکہ پنجاب اور خیبر پختونخوا میں صوبائی اسمبلیاں تحلیل ہونے کے باوجود الیکشن کی تاریخ نہ آنے پر تشویش ہے۔

چوہدری پرویز الہٰی نے یہ بھی کہا کہ بیورو کریسی کی اکھاڑ پچھاڑ پر بھی بات ہوئی، عمران خان آئندہ سیاسی معاملات سے متعلق اپنی تجاویز سے بھی آگاہ کیا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Social Media Auto Publish Powered By : XYZScripts.com