تازہ ترینخبریںدیسی ٹوٹکے

روزانہ 6 سے 9 ہزار قدم چلنے کے فوائد

اس بات میں کوئی شک نہیں کہ جسمانی ورزش کے کئی طبی فوائد ہیں مگر حالیہ ایک تحقیق سے معلوم ہوا کہ روزانہ 6 سے 9 ہزار قدم چلنے سے درمیانی عمر کے افراد میں دل کا دورہ پڑنے کے خطرات کم ہو جاتے ہیں۔

سرکولیشن جریدے میں شائع ہونے والی حالیہ تحقیق میں انکشاف کیا گیا ہے کہ چہل قدمی کرنے والے افراد جن کی عمر 60 سال یا اس سے زیادہ ہوتی ہے ان میں دل کی بیماری کے خطرات کم ہوجاتے ہیں۔

مذکورہ تحقیق کے لیے محققین نے 8 مختلف تحقیق کا مطالعہ کیا، ان میں 18 سال سے زائد عمر کے 20 ہزار سے زائد افراد شامل تھے اور ان کے چلنے کی پیمائش کے لئے آلے کی مدد لی گئی اور ان کا 6 سال تک مشاہدہ کیا گا۔ان اعداد و شمار کی بنیاد پر محققین نے نتائج مرتب کئے۔

امراض قلب کو عام طور سے بڑی عمر سے منسلک کیا جاتا ہے اس لئے نوجوانی میں اس بیماری کی علامات جن میں ہائی بلڈ پریشر، موٹاپا اور ذیابیطس شامل ہیں کو سنجیدگی سے نہیں لیا جاتا۔تاہم، اس تحقیق میں لوگوں کو زیادہ شدت یا تیز رفتار چلنے سے کوئی اضافی فائدہ حاصل نہیں ہوا۔

محققین نے اس سے قبل بھی روزانہ 10 ہزار قدم چلنے کی تجویز دی تھی اور اس حوالے سے کی گئی تحقیق کے مطابق روزانہ 10 ہزار قدم چلنے والے افراد میں موٹاپے پر قابو پایا جاسکتا ہے اور ڈپریشن کی سطح میں بھی کمی آتی ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Social Media Auto Publish Powered By : XYZScripts.com