تحریک انصاف کے رہنما فواد چوہدری نے کہا ہے کہ آج پی ٹی آئی کی سینئر لیڈر شپ کے اجلاس میں اسمبلی تحلیل کرنے کی تاریخ پر غور ہو گا۔
تحریک انصاف کی سینئر لیڈرشپ کا اجلاس آج طلب کر لیا گیا ہے، اس اجلاس میں پنجاب اور خیبر پختونخواہ اسمبلی تحلیل کرنے،سندہ اور بلوچستان اسمبلی سے مستعفیٓ ہونے کی تاریخ پر غور کیا جائیگا،ان فیصلوں سے پاکستان کی 64 فیصد نشستیں خالی ہو جائیں گی اور عام انتکابات کی راہ ہموار ہو گی
— Ch Fawad Hussain (@fawadchaudhry) November 28, 2022
تحریک انصاف آزاد کشمیر کو بلدیاتی انتخابات کے پہلے مرحلے میں کامیابی پر مبارکباد، اس وقت تحریک انصاف وہ واحد جماعت ہے جو کشمیر کی وادیوں سے بلوچستان کی سننگلاخ زمیں اور پنجاب اور سندہ کے سبزہ زاروں سے گلگت بلتستان اور ہختونخواہ کے پہاڑوں تک عوام کے دل کی آواز ہے بہت مبارک !
— Ch Fawad Hussain (@fawadchaudhry) November 28, 2022
سوشل میڈیا بیان میں پی ٹی آئی رہنما فواد چوہدری نے کہا کہ تحریک انصاف کی سینئر لیڈر شپ کا اجلاس آج طلب کر لیا گیا ہے۔
فواد چوہدری نے کہا کہ اجلاس میں پنجاب اور کے پی اسمبلی تحلیل کرنے کی تاریخ پر غور ہو گا، اجلاس میں سندھ اور بلوچستان اسمبلی سے مستعفی ہونے کی تاریخ پر بھی غور ہو گا۔
پی ٹی آئی رہنما نے کہا کہ ان فیصلوں سے پاکستان کی اسمبلیوں کی 64 فیصد نشستیں خالی ہو جائیں گی، دو اسمبلیوں سے استعفوں اور دو کے تحلیل ہونے سے عام انتخابات کی راہ ہموار ہو گی۔
فواد چوہدری نے پی ٹی آئی آزاد کشمیر کو بلدیاتی انتخابات کے پہلے مرحلے میں کامیابی پر مبارکباد دیتے ہوئے کہا کہ پی ٹی آئی کشمیر، بلوچستان، پنجاب، سندھ،گلگت بلتستان اور کے پی کے عوام کے دل کی آواز ہے۔