تازہ ترینتحریکخبریںسیاسیات

عمران خان کے لیے بلٹ پروف گاڑی پہنچا دی گئی، اسٹریچر بھی موجود

حقیقی آزادی مارچ کیلئے ملک بھر سے قافلوں کے راولپنڈی پہنچنے کا سلسلہ جاری ہے، تاہم عمران خان کی رہائشی جگہ زمان پارک کے باہر بھی سیکیورٹی مزید سخت کردی گئی ہے۔

چیئرمین تحریک انصاف عمران خان کی راولپنڈی روانگی کی تیاری شروع ہوگئی، زمان پارک میں سیکیورٹی مزید سخت کردی گئی ہے اور پولیس کی بکتر بند گاڑی بھی پارک کے باہر پہنچا دی گئی۔

ذرائع کا کہنا ہے کہ عمران خان کوسخت سیکیورٹی میں ائیرپورٹ پہنچایا جائے گا، ان کے ہمراہ پولیس اور کمانڈوز کی گاڑیاں بھی ائیرپورٹ جائیں گی۔

ذرائع نے بتایا کہ عمران خان کے ائیرپورٹ روانہ ہونےکیلئے بلٹ پروف گاڑی پہنچا دی گئی، بلٹ پروف گاڑی کے اندر عمران خان کی ٹانگ میں بریسز کی وجہ سے اسٹریچر بھی لگایا گیا ہے، جبکہ ان کے ساتھ ڈاکٹرز بھی سفر کریں گے۔

عمران خان بریسز کی وجہ سے گھٹنے کو حرکت نہیں دے سکتے، راولپنڈی روانگی سےقبل ڈاکٹرز کی ٹیم عمران خان کاحتمی طور پر دوبارہ چیک اَپ کرےگی، جس کے بعد وہ 1 بجے زمان پارک سے راولپنڈی کیلئے روانہ ہوں گے۔

ذرائع کے مطابق عمران خان سخت سیکیورٹی میں ائیرپورٹ جائیں گے، اولڈ ائیر پورٹ سےعمران خان ہیلی کاپٹر کے ذریعے راولپنڈی پہنچیں گے، روانگی سےقبل عمران خان پارٹی رہنماؤں سےٹیلی فونک مشاورت کریں گے، تاہم وہ دوپہر تک زمان پارک سے ہی لانگ مارچ  کومانیٹر کریں گے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button