تحریک لبیک پاکستان کے سربراہ حافظ سعد حسین رضوی نے کہا ہے کہ لانگ مارچ کے دوران حکومت کی جانب سے مسلح حملے کی منصوبہ بندی کا الزام لگانا نا انصافی ہے۔
سماجی رابطے کی ویب سائٹ ٹویٹر پر حافظ سعد حسین رضوی نے لکھا کہ تحریک لبیک پاکستان پر تحریک انصاف کے چیئر مین عمران خان کے لانگ مارچ کے دوران حکومت کی جانب سے مسلح حملے کی منصوبہ بندی کا الزام لگانا سراسر نا انصافی ہے، ٹی ایل پی کبھی بھی ایسی مذموم سرگرمیوں میں ملوث نہیں رہی۔
انہوں نے مزید لکھا کہ حکومت کو اپنے طریقے بدلنے چاہئیں اور بے بنیاد دھمکی دینے پر معافی مانگنی چاہیے۔
ٹی ایل پی سربراہ نے مزید لکھا کہ ملک میں ہم دہشت گردی کی کسی بھی کارروائی کی حوصلہ افزائی نہیں کرتے۔
Accusing TLP for planning armed attack on IK's long March is diabolical action of govt. TLP has never been involved in such sinister activities. Govt must mend its ways and apologize for issuing baseless threat. We don't encourage any act of terrorism at all.
— Hafiz Saad Hussain Rizvi (@Real_SHR9263) November 23, 2022
