تحریک انصاف خیبر پختونخوا کے صدر اور سابق وزیر دفاع پرویز خٹک نے کہا ہے کہ تجربہ کار حکومت نے مہنگائی عروج پر پہنچا دی۔
مہمند کے علاقے یکہ غنڈ میں ورکرز کنونشن سے خطاب میں پرویز خٹک نے کہا کہ عمران خان کی قیادت میں تحریک انصاف مضبوط قوت بن گئی ہے ۔ ضمنی انتخابات میں جیت ثابت کرتی ہے عوام عمران خان کے ساتھ ہیں، ہمیں نا اہل کہنے والی تجربہ کار حکومت نے مہنگائی کہاں تک پہنچائی۔
پی ٹی آئی رہنما نے کہا کہ گیس بجلی اور پیٹرول کی قیمتیں مسلسل بڑھ رہی ہیں، عمران خان نے بجلی اور پیٹرول کی قیمتیں بڑھانے سے انکار کیا۔ جس طرح حکمرانی چل رہی ہے 100 سال تک خوشحالی اور ترقی نہیں دیکھ سکتے۔
پرویز خٹک نے کہا کہ کل جو لوگ امریکا کے خلاف تھے، آج اور ان سے خیرات مانگتے ہیں
