تازہ ترینخبریںپاکستان

ملک میں تیل کے بحران اور محدود سٹاک کی خبروں پر اوگرا کا ردعمل

آئل اینڈ گیس ریگولیٹری اتھارٹی (اوگرا) ترجمان نے کہا ہے کہ ملک میں تیل کا بحران اور محدود سٹاک کے متعلق تاثر بالکل غلط ہے۔

ترجمان کا کہنا ہے کہ ملکی طلب پوری کرنے کیلئے پیٹرولیم مصنوعات کی وافر مقدار موجود ہے۔

خیال رہے کہ آج تیل فراہم کرنے والی کمپنیز نے وزیر مملکت برائے پیٹرولیم مصدق ملک کو خط لکھا ہے۔خط میں کہا گیا ہے کہ پیٹرولیم مصنوعات کی قیمتیں مستحکم رکھنے کیلئے تیل کمپنیز پر 5 ارب روپے سے زائد بوجھ ڈال دیا گیا ۔ تیل کی نقل و حمل کی لاگت 2 سے 3 روپے فی لیٹر کم کر دی گئی، نقل و حمل کا 2 ارب 85 کروڑ روپےکا بوجھ کمپنیز پر ڈال دیا گیا ہے۔ روپے کی قدر گرنے کا ڈھائی ارب روپے کا بوجھ بھی کمپنیز پر ڈال دیا گیا، اس معاملے پر فوری فیصلہ نہ کیا گیا تو تیل کی دستیابی چیلنج بن جائے گی۔

خیال رہے کہ 15 نومبر کو وزیر خزانہ اسحاق ڈار نے پیٹرولیم مصنوعات کی قیمتیں برقرار رکھنے کا اعلان کیا تھا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button