تازہ ترینتحریکخبریں

عمران خان جس شرٹ پر دستخط کردے وہ کروڑوں کی ہو جاتی ہے، وسیم شہزاد

تحریک انصاف کے سینیٹر وسیم شہزاد نے کہا ہے کہ عمران خان وہ برانڈ ہے، اگر شرٹ پر دستخط کر دے تو کروڑوں کی ہو جاتی ہے۔

سینیٹر وسیم شہزاد نے سپریم کورٹ کے باہر اعظم سواتی اور شبلی فراز کے ہمراہ میڈیا سے گفتگو کرتے ہوئے کہا کہ ایک ہفتے سے اراکین سینیٹ روزانہ سپریم کورٹ کے سامنے کھڑے ہوتے ہیں۔ دستور کے حوالے سے تین ٹیسٹ کیس عدلیہ کے سامنے ہیں، سپریم کورٹ فوراً ان کیسز پر کارروائی کا آغاز کرے۔

اس موقع پر سینیٹر اعظم سواتی کا کہنا ہے کہ ایوان بالا کے سینیٹر 3 بڑے مسائل کے لیے عدالت عظمیٰ کے سامنے کھڑے ہیں ۔عمران خان پر حملہ ہوا، ارشد شریف کو شہید کیا گیا، چند طاقتور لوگ ان واقعات پر حاوی ہونا چاہتے ہیں۔

شبلی فراز کا کہنا ہے کہ عمران خان ایک جلسے میں تقریر کی تھی اور جونیئر جج پر ایکشن کا کہا تھا، ان کی تقریر پر دہشت گردی اور نااہلی کا مقدمہ ہو گیا۔ عمران خان کو نااہل کرنے کی کوشش کی اور معافی منگوائی، سپریم کورٹ سے درخواست ہے عوام کے نمائندوں کو کم نہ سمجھیں، سب کو قانون کی نظر میں ایک ہی طرح کا سمجھا جائے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button