تازہ ترینخبریںپاکستان

عمران خان کیلیے واکنگ مشین زمان پارک پہنچا دی گئی

پاکستان تحریک انصاف کے چیئرمین عمران خان کے لیے واکنگ مشین ان کی لاہور میں رہائش گاہ زمان پارک پہنچا دی گئی۔

زمان پارک میں داخلے سے قبل واکنگ مشین کو سرچنگ ڈیوائس اور سرچنگ ڈاگ کے ذریعے چیک کیا گیا۔ مشین کو مکمل چیکنگ کے بعد رہائش گاہ لے جانے کی اجازت دی گئی

خیال رہے کہ چیئرمین پی ٹی آئی عمران خان حقیقی آزادی مارچ میں ہونے والے قاتلانہ حملے میں زخمی ہونے کے باعث زمان پارک میں موجود ہیں۔

زمان پارک میں ان کی سکیورٹی کے لیے متعدد اقدامات اٹھائے گئے ہیں۔ گزشتہ روز رہائش گاہ کی دیوار کے ساتھ ریت کے تھیلوں کی دیوار اور سیمنٹ کے بلاکس رکھ کر حفاظتی دیوار بنائی گئی۔

اس کے بعد بلٹ پروف شیشے پہنچائے گئے۔ شیشے زمان پارک میں عمران خان کے گھر میں لگائے جائیں گے، شیشوں سے سکیورٹی کیبن بھی بنائے جائیں گے

زمان پارک کے داخلی و خارجی راستوں پر چیک پوسٹ قائم ہے جبکہ کیمرے بھی نصب کیے گئے ہیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button