تازہ ترینجرم کہانیخبریںپاکستان سے

فیس بک اور واٹس ایپ پر اسلحہ فروخت کرنیوالا گروہ گرفتار

سندھ پولیس کے کاؤنٹر ٹیرر ازم ڈیپارٹمنٹ (سی ٹی ڈی) نے فیس بک اور واٹس ایپ کے ذریعے اسلحہ فروخت کرنے والے گروہ کے 4 ملزمان کو کراچی سے گرفتار کر لیا۔

ملزمان کے قبضے سے 18 جدید پستول اور بڑی تعداد میں گولیاں برآمد ہوئی ہیں۔

یہ کارروائی انسپکٹر جنرل پولیس (آئی جی) سندھ غلام نبی میمن کی ہدایت پر قائم کیے گئے سی ٹی ڈی کے خصوصی ویپن ٹریفیکنگ اینڈ مانیٹرنگ سیل نے کی ہے ۔

سی ٹی ڈی عہدیداروں نے ایک مشترکہ پریس کانفرنس میں میڈیا کو تفصیلات سے آگاہ کیا کہ  پشاور، درہ آدم خیل، ڈی آئی خان اور دیگر اضلاع کے اسلحہ ڈیلرز اور دکاندار اس غیر قانونی سمگلنگ میں ملوث ہیں۔

انہوں نے بتایا کہ ملزمان کا طریقہ کار یہ ہے کہ وہ فیس بک کے ذریعے غیر قانونی اسلحے کے کاروبار کی تشہیر کرتے تھے اور فیس بک اور واٹس اپ پر اسلحے کی نمائش کرتے تھے۔

سی ٹی ڈی کے مطابق گرفتار ملزمان میں عظمت اللّٰہ، بشیر خان، فضل جان اور فرمان اللّٰہ شامل ہیں۔ جو افراد اسلحہ خریدنے میں دلچسپی رکھتے ہیں وہ ان لوگوں کو واٹس ایپ گروپ میں شامل کر لیتے ہیں اور قیمت طے کرنے کے بعد رقم کا 50 فیصد ایزی پیسہ، جاز کیش یا آن لائن ٹرانسفر کر دیتے ہیں، بقیہ رقم ڈیلیوری کے وقت وصول کی جاتی ہے۔

سی ٹی ڈی نے بتایا ہے کہ جب تمام معاملات طے پا جاتے ہیں تو یہ غیر قانونی اسلحہ ڈیلر اپنے ایجنٹ کے ہاتھ بذریعہ بس کراچی بھیجتے ہیں، کراچی یا ملک کے کسی بھی علاقے میں اسلحہ پہنچانے کے لیے اپنا کارندہ خریدار کا نمبر دے کر روانہ کرتے ہیں، وہی شخص ڈیلیوری دے کر باقی رقم وصول کرتا ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button