تازہ ترینتحریکخبریںسیاسیات

’’مل بیٹھیں الیکشن کا فیصلہ کریں ورنہ کھیل ختم پیسہ ہضم‘‘

سربراہ عوامی مسلم لیگ شیخ رشید احمد کا کہنا ہے کہ راناء ثناء اللہ ریڈ زون کو لال حویلی تک لےلائیں۔ ریڈ زون جتنا بڑا ہوگا۔ جڑواں شہروں سے اُتنے ہی زیادہ لوگ نکلیں گے۔

راولپنڈی میں پریس کانفرنس کے دوران شیخ رشید احمد کا کہنا تھا کہ اگر ہم کسی کیس میں مطلوب ہیں تو ایف آئی آر لائیں۔ پرامن احتجاج ہمارا جمہوری حق ہے جولے کر رہیں گے۔

شیخ رشید کا کہنا تھا کہ پی ڈی ایم میں شامل جماعتوں کی سیاست ختم ہو گئی ہے۔ مزید کہا کہ یہ الیکشن سے فراری حکومت ہے یہ خریداروں اور کمیشن ایجنٹس کی حکومت ہے۔ یہ کبھی الیکشن نہیں کرائیں گے۔

اس سے قبل ٹویٹر پیغام میں ان کا کہنا تھا کہ دستور ایونیو پر کینٹینر لگانے والے حالات کی سنگینی سے ناواقف ہیں نومبر تو اہم ہے ہی پہلے 10دن بھی کم نہیں۔ مل بیٹھیں الیکشن کا فیصلہ کریں ورنہ کھیل ختم ہونے والا ہے۔

ان کا کہنا تھا کہ عمران خان نے کہا کہ آزادی ملتی نہیں چھینی جاتی ہے، راولپنڈی جمعہ کو مارچ کا تاریخی استقبال کرے گا، جو عمران خان کا فیصلہ ہوا اس پر پہرہ دیں گے۔

جواب دیں

آپ کا ای میل ایڈریس شائع نہیں کیا جائے گا۔

Back to top button