وزیر اعلیٰ پنجاب چوہدری پرویز الٰہی نے ’’گو پنجاب‘‘ ایپ کا افتتاح کر دیا۔
ارفع کریم ٹاور لاہور میں ’’گو پنجاب‘‘ ایپ کی افتتاحی تقریب کا انعقاد کیا گیا۔
مشیر آئی ٹی بورڈ ڈاکٹر ارسلان خالد نے ایپ کے بارے میں معلومات اور استعمال سے متعلق آگاہی دی۔
انہوں نے بتایا کہ ’’گو پنجاب‘‘ ایپ میں تمام سرکاری محکموں کو شامل کیا گیا ہے، جلد پرائیویٹ سیکٹر کو بھی شامل کیا جائے گا۔
اس موقع پر وزیر اعلی پنجاب چوہدری پرویز الٰہی نے کہا یہ ایپ رشوت کم کرنے میں مددگار ثابت ہوگی، گھر بیٹھی خواتین بھی اس سے فائدہ حاصل کرسکتی ہیں۔
وزیر اعلیٰ پنجاب نے کہا کہ پنجاب میں آئی ٹی کا محکمہ نہیں تھا، اپنے پچھلے دور میں الگ سے بجٹ رکھ کر آئی ٹی کا محکمہ بنایا، آج یہ سب سے اہم محکمہ بن چکا ہے۔
