تازہ ترینجرم کہانیخبریں

ہوٹل میں تیزاب پینے والے بچوں کی حالت تشویشناک، منیجر گرفتار

لاری اڈے کے قریب مقامی ہوٹل میں انتظامیہ نے سالگرہ منانے کیلئے آنے والے بچوں کو مبینہ طور پر پانی کے بجائے تیزاب پلادیا جس سے ان کی حالت تشویشناک ہوگئی۔

مقامی شہری عادل نے تھانے میں واقعے کا مقدمہ درج کرا دیا، مدعی کا مؤقف تھا کہ گریٹر اقبال پارک میں واقع نجی ریستوران میں پانی پینے اور استعمال کرنے سے میرے بھتیجے اور بھانجی کی حالت بگڑ گئی۔

اس نے بتایا کہ بھتیجے احمد کا ہاتھ پانی سے دھلوایا گیا تو اس کا ہاتھ بھی جھلس گیا جب کہ ڈھائی سالہ وجیہہ کو پانی پلایا تو اس کی حالت تشویشناک ہوگئی۔

تیزاب پینے سے فیملی کے3افراد کے متاثرہونے کا واقعہ 4روزپہلے پیش آیاتھا، واقعے کی سی سی ٹی وی فوٹیج بھی سامنے آگئی ہے، جس میں ایک شخص بچے کے ہاتھ پانی سے دھلوارہا ہے۔

فیملی کے مطابق دونوں بچوں کی حالت بگڑنے پر انہیں فوری طور پر اسپتال منتقل کردیا گیا جہاں ان کا علاج جاری ہے۔ متاثرین میں اڑھائی سال کی بچی وجیہہ،کزن احمد اور ماموں شامل ہیں۔

دوسری جانب پولیس نے فیملی کی درخواست پر ریسٹورنٹ انتظامیہ کیخلاف مقدمہ درج کرکے مینجر کو گرفتار کرلیا ہے۔ پولیس حکام کا کہنا ہے کہ غلطی ہوئی یا دانستہ طور پر ایسا کیا گیا اس کی تفتیش جاری ہے۔

تیزاب پینے سے بچی 4دن سے آئی سی یو میں داخل ہے، دوران علاج اڑھائی سال کی وجیہہ کو اب تک8خون کی بوتلیں لگ چکی ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button