تازہ ترینخبریںدنیا

پیرس فیشن ویک کیلئے جانیوالی خاتون سے 30لاکھ ڈالر کے زیورات سے محروم

پیرس میں ڈاکو ایک خاتون سے 30 لاکھ ڈالر مالیت کے زیورات لوٹ کر فرار ہو گئے۔

غیر ملکی میڈیا کے مطابق برازیل سے تعلق رکھنے والی خاتون تاجر کے ساتھ لوٹ مار کا واقعہ اس وقت پیش آیا جب وہ پیرس فیشن ویک میں شرکت کیلئے ٹیکسی میں سوار ہو کر جا رہی تھیں۔

متاثرہ خاتون نے اس حوالے سے بتایا ہے کہ وہ چارلس ڈی گال ہوائی اڈے سے پیرس جانے والی سڑک پر ٹیکسی میں موجود تھی کہ دو موٹر سائیکل سواروں نے ٹیکسی کا  شیشہ توڑا اور  سوٹ کیس اور ہینڈ بیگ چھین کر فرار  ہو گئے۔

خاتون کا کہنا ہے کہ اس کے سوٹ کیس میں 30 لاکھ ڈالر مالیت کے زیورات تھے جو پاکستانی کرنسی میں تقریباً 70 کروڑ روپے بنتے ہیں۔

پولیس کے مطابق واقعے کی انکوائری شروع کر دی گئی ہے اور نقصان کا جائزہ لیا جا رہا ہے۔

پولیس نے بتایا ہے کہ گزشتہ چند سالوں سے سیاحوں پر ڈاکوؤں کی جانب سے لوٹ مار کرنے کے لیے ہٹ اینڈ رن کے طریقہ واردات کے واقعات بڑھتے جا رہے ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button