تازہ ترینخبریںپاکستان سے

’آپ کیا چاہتے ہیں ایوان صدر کی بھی آڈیو لیک ہوجائے؟‘

وزیراعظم شہاز شریف نے نیوز کانفرنس کے دوران آڈیو لیک سے متعلق صحافی کے سوال کا دلچسپ جواب دے دیا۔

وزیراعظم شہباز شریف سے صحافی نے سوال کیا کہ گزشتہ دنوں سننے میں آیا ہے کہ ایوان صدر میں بھی حکومت کے خلاف سازش ہورہی ہے؟

صحافی نے مزید کہا کہ یہ بھی سنا گیا کہ گزشتہ دنوں آرمی چیف جنرل قمر جاوید باجوہ اور عمران خان کی ایک خفیہ ملاقات ایوان صدر میں ہوئی آپ کو اس کا علم تھا اگر معلوم تھا تو کیا آپ سمجھتے ہیں کہ ایوان صدر میں حکومت کے خلاف کوئی سازش ہورہی ہے اور یہ کہ عمران خان حکومت میں چار سال میں جو کرپشن سامنے آئی ہے کیا ان کے خلاف آپ کیس کرنے جارہے ہیں؟

وزیراعظم نے دلچسپ جواب دیتے ہوئے کہا کہ ’آپ کیا چاہتے ہیں کہ ایوان صدر کی بھی آڈیو لیک ہوجائے۔‘

شہباز شریف کے جواب کے بعد وہاں موجود تمام افراد کے چہروں پر مسکراہٹ آگئی۔

ایک سوال کے جواب میں شہباز شریف نے کہا کہ حکومت کو کوئی خطرہ نہیں ہے الیکشن اپنے وقت پر ہی ہوں گے

جواب دیں

آپ کا ای میل ایڈریس شائع نہیں کیا جائے گا۔

Back to top button