بلوچستان کے4 اضلاع کی11یونین کونسلوں کے 57 وارڈزمیں ضمنی بلدیاتی انتخابات کے لیے پولنگ آج ہوگی،تمام وارڈز میں انتخابات کے لیے 223 امیدوار میدان میں ہیں۔
ضمنی بلدیاتی انتخابات میں موسی خیل کی 4 یوسیز کے 28وارڈز اور مستونگ کی 4 یوسیز کے 22 وارڈز،دکی کی 2 یونین کونسلوں کے 6 وارڈز اور لورالائی کی ایک یوسی کا ایک وارڈ شامل ہے۔
صوبائی الیکشن کمشنر عبدالقیوم شینواری کے مطابق ضمنی بلدیاتی انتخابات کے حوالے سے تمام انتظامات مکمل ہیں،چاروں اضلاع کے 57 وارڈز میں پولنگ کے لیے 59 پولنگ اسٹیشن قائم کیے گئے ہیں۔تمام پولنگ اسٹیشنز کو حساس قرار دیا گیا ہے۔
تمام 57 وارڈز میں مجموعی طور پر 34 ہزار 919 ووٹرز ووٹ کاسٹ کریں گے۔
واضح رہے کہ صوبے کے ان وارڈز میں پولنگ بارش اور سیلاب کی وجہ سے مؤخر کی گئی تھی ۔
