لاہور کے علاقے گلبرگ میں شقی القلب افراد نے چلتی موٹر سائیکل سے نومولود بچی کو پھینک دیا جو اسپتال میں دم توڑ گئی۔
لاہور کے علاقے گلبرگ میں گورومانگٹ روڈ کے قریب یہ انسانیت سوز واقعہ پیش آیا جس کی سی سی ٹوی وی فوٹیج سامنے آگئی ہے۔
فوٹیج میں دیکھا جاسکتا ہے کہ موٹر سائیکل پر ایک مرد اور دو خواتین سوار ہیں اور ملزمان نے بچی کو چلتی موٹر سائیکل سے گلی کے کونے میں پھینک دیا، نومولود بچی کے سر پر شدید چوٹ آئی، جس کو علاج کے لیے اسپتال منتقل کیا گیا، پولیس کے مطابق بچی چند گھنٹے زیر علاج رہنے کے بعد دم توڑ گئی۔
پولیس نے نامعلوم افراد کے خلاف تھانہ غالب مارکیٹ میں مقدمہ درج کرکے ملزمان کی تلاش شروع کردی ہے۔
دریں اثنا سی سی پی او غلام محمود ڈوگر نے واقعے کا نوٹس لیتے ہوئے ایس پی ماڈل ٹاؤن سے رپورٹ طلب کرلی ہے اور پولیس کو سی سی ٹی وی کیمروں اور شواہد کی مدد سے ملزمان کی فوری گرفتاری کا حکم دیا ہے۔
لاہور میں دل دہلا دینے والا واقعہ
گلبرگ میں چلتی موٹر سائیکل سے نومولود بچی کو پھینک دیا گیابچے تو پھول ہوتے ہیں ، کچھ لوگ درندوں سے زیادہ خطرناک ہوگئے ہیں آخر کیوں ، جب پال نہیں سکتے تو پیدا کرتے کیوں ہیں۔@OfficialDPRPP@ccpolahore@GovtofPunjabPKpic.twitter.com/6WCImt508K
— Ahmer Khokhar (@AhmerKhokhar08) September 23, 2022
