وزیراعظم شہباز شریف 2 روزہ دورے پر ازبکستان کے شہر سمرقند پہنچ گئے۔
ازبکستان: وزیراعظم شہباز شریف کی حضرت خضر کمپلیکس آمد۔
https://t.co/Ud7q4pdqVM— PML(N) (@pmln_org) September 15, 2022
وزیر اعظم شہباز شریف ایس سی او کی کونسل آف ہیڈز آف اسٹیٹ کےاجلاس کے لیے سمرقند پہنچے ہیں تاہم اب سمر قند ائیر پورٹ سے حضرت خضرکمپلیکس پہنچ چکے ہیں۔
وزیراعظم اپنے دورہ ازبکستان کے دوران شنگھائی تعاون تنظیم کے سربراہ اجلاس میں شرکت اور اہم ملاقاتیں کریں گے، دورے کے دوران مسجد خضر اور اسلام کریموف کے مزار پر بھی جائیں گے۔
وزیراعظم شہباز شریف تاجکستان، ازبکستان، ایران،بیلاروس اور کرغستان کے صدور سے علیحدہ علیحدہ جبکہ روس کے صدر ولادیمیر پیوٹن سے بھی ملاقات کریں گے۔
مزید برآں شہباز شریف ازبک صدر کی طرف سے سربراہان ممالک کے اعزاز میں دیے گئے عشائیےمیں شرکت کریں گے اور عشائیے کے بعد ترک صدر اردوان سے بھی ملاقات کریں گے۔