سیلاب متاثرین کے لیے یو اے ای حکومت کی جانب سے خوراک پر مشتمل 17 کنٹینرز بحری جہاز سےکراچی پہنچا دیے گئے۔
یو اے ای قونصل جنرل کے ترجمان کے مطابق ان کنٹینرز میں 275 ٹن مکمل خوراک کا سامان موجود ہے، امدادی سامان سندھ اور بلوچستان کے سیلاب متاثرہ علاقوں کو پہنچایا جائے گا۔
ترجمان کا کہنا تھا کہ مشکل کی اس گھڑی میں یو اے ای کی حکومت اور عوام پاکستان کے ساتھ ہیں، روز اول سے یو اے ای اور اماراتی ریڈ کریسنٹ پاکستان میں سیلاب متاثرین کی امداد کا سلسلہ جاری ہوئے ہیں۔
