21 جولائی 2019
تازہ ترین
شہد سے بخار کے چھالوں کا علاج

شہد سے بخار کے چھالوں کا علاج

 ہونٹوں کے اطراف بخار کے چھالے (کولڈ سور) بار بار تنگ کرتے ہیں اور ان سے جان چھڑانا مشکل ہوجاتا ہے۔ اب ماہرین نے کہا ہے کہ ایک طرح کا شہد ان کے علاج میں اسی طرح موثر ہوتا ہے جس طرح مہنگی کریمیں ان کا علاج کرتی ہیں۔ میڈیکل ریسرچ انسٹی ٹیوٹ آف نیوزی لینڈ نے اپنے ملک میں عام پائے جانے والے ایک پھولدار پیڑ کینوکا Kunzea ericoides میں ایک جزو دریافت کیا، جو ہونٹوں کے اطراف میں ہونے والے بخار کے چھالے اور ہرپز کا شافعی علاج ثابت ہوسکتا ہے۔  شہد تیز رفتاری سے بخار کے چھالوں کو ختم کرتا ہے خواہ وہ ناک پر ہوں یا پھر ہونٹوں کے اطراف پر نمودار ہیں۔ مثلاً سائیکلووِر کریم دودن میں چھالوں کو ختم کرتی ہے، لیکن اس کے منفی ضنمی اثرات مرتب ہوتے ہیں۔ اس تناظر میں خاص طبی شہد کا استعمال بہت مفید ثابت ہوسکتا ہے۔ لیکن شہد کے لاتعداد فوائد اور بھی ہیں جن کا شمار مشکل ہے ۔ شہد کا استعمال ہاضمے کو درست کرتا ہے، بہتر نیند لاتا ہے، جگر کو زہر سے پاک کرتا ہے اور جسمانی انفیکشن کو ختم کرتا ہے۔ کینوکا درخت سے حاصل شہد طبی مقاصد کے لئے استعمال کیا جاسکتا ہے اور نیوزی لینڈ کے ماہرین نے اس پر مزید تحقیق اور انسانی آزمائشوں پر زور دیا ہے۔ ابتدائی تجربات میں ماہرین نے کینوکا درخت سے حاصل شدہ شہد میں 5 فیصد سائیکلووِر کریم ملائی اور اسے 952 مریضوں پر آزمایا اور پانچ روز بعد چھالہ بالکل غائب ہوگیا۔ جبکہ دوسری جانب صرف شہد استعمال کرنے والوں میں بھی عین یہی نتائج نمودار ہوئے، تحقیق کے اگلے مرحلے میں سائنسدان اس جزو کو تلاش کرنے کی کوشش کریں گے جو بخار کے چھالے کو ختم کرتا ہے۔


مزید خبریں

عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟