24 مئی 2019
تازہ ترین
ہوا میں اڑنے والا بغیر پائلٹ ایئرکرافٹ تیار

ہوا میں اڑنے والا بغیر پائلٹ ایئرکرافٹ تیار

 سائنس دان بغیر پائلٹ کے غبارے کی طرح فضا میں بلند ہونیوالا ایئر کرافٹ تیار کرنے میں کامیاب ہو گئے ہیں۔ فینکس 50 فٹ طویل، پروں کا پھیلائو36 فٹ اور 120 کلو گرام وزنی اور بغیر پائلٹ کی ایک ہوائی گاڑی ہے۔ میڈیا رپورٹس کے مطابق یونیورسٹی آف ہائی لینڈز اینڈ آئی لینڈز کے تحقیق کاروں کی برسوں کی محنت رنگ لے آئی اور انقلابی ایئر کرافٹ حقیقت کا روپ دھار لیا۔ سائنس دانوں نے اپنی اس تخلیق کو فینکس کا نام دیا ، جس کے پروں کو ہٹا دیا جائے تو یہ بالکل ایک غبارے کی شکل کا ہے جس کے درمیانی حصے میں ہیلیم گیس بھری ہوتی ہے۔ پروفیسر اینڈیو رے نے کہا کہ فینکس 50 فٹ طویل، پروں کا پھیلائو 36 فٹ اور 120 کلوگرام وزنی اور بغیر پائلٹ کی ایک ہوائی گاڑی ہے جو اپنے بھاری بھرکم وجود کے باوجود کسی مشکل کے بغیر فضا میں بلند ہوتا ہے اور یہ جادو دراصل پروپلزن کا ہے جو اسے انجن کے بغیر اڑنے میں مدد دیتی ہے اور کسی ایئر شپ کی برعکس اس میں پروں کی موجودگی اسے باقاعدہ ہوائی جہاز بناتی ہے۔ طیارے کے کیپسول نما حصے میں موجود ہیلیم گیس توانائی پیدا کرتی ہے جس کے اندر ایک تھیلا بھی ہوتا ہے جس سے کمپریسر منسلک ہوتا ہے جو باہر کی ہوا کھینچ کر کمپریس کرتا ہے اور یوں جہاز وزنی ہوکر ہوائی غبارے کی طرح اڑتا اور اترتا ہے۔


مزید خبریں

عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟