18 اکتوبر 2019
تازہ ترین
 ناسا کے مریخی خلائی جہاز کی تیاری براہ راست دیکھنا ممکن

 ناسا کے مریخی خلائی جہاز کی تیاری براہ راست دیکھنا ممکن

 خلائی جہاز اور زمین سے باہر مشن پر کام کرنے والی تاریخی تجربہ گاہ  جیٹ پروپلشن لیبارٹری کے انجینئر اور سائنسدان اس وقت ایک اہم مریخی خلائی جہاز پر کام کر رہے ہیں اور اب 24 گھنٹے لائیو کیمرے کے ذریعے آپ اس منصوبے کے مختلف پہلو براہ راست دیکھ سکیں گے۔ جیٹ پروپلشن لیبارٹری میں مارس 2020 کی اسمبلنگ کی جارہی ہے۔ اس روبوٹک مشن میں ایک ہیلی کاپٹر بھی نصب ہوگا جس میں نصب ہائی ریزولوشن کیمرے کے بدولت آپ سیارہ مریخ پر اس کی لینڈنگ بھی دیکھ سکیں گے۔ اگلے سال اٹلس پنجم راکٹ کے ذریعے اسے مریخ کی جانب بھیجا جائے گا۔ مارس 2020 کا زمین سے مریخ تک کا سفر خطرات سے بھرا ہوا ہے۔ پہلے ارضی کشش کی زنجیر توڑ کر یہ خلا میں جائے گا اور کروڑوں کلومیٹر کا سفر طے کرتے ہوئے سیاروں کے درمیان اجنبی خلائی ماحول میں سفر کرکے سرخ سیارے تک پہنچے گا۔ لیکن آگے اس کے لئے سب سے بڑا چیلنج ہوگا۔ 1000 سے زائد کلوگرام وزنی خلائی جہاز مریخی فضا میں داخل ہوگا اور دھیرے دھیرے ایک آسمانی کرین کی مدد سے گردوغبار سے اٹے مریخی فرش پر اترے گا۔ ناسا کے ماہرین نے ہر امکانی خطرے کے پیش نظر الگ الگ حکمت عملیاں وضع کی ہیں۔ جدید ترین آلات سے مزین مارس 2020 مریخ کی اوپری سطح کے نیچے کا جائزہ لے گا اور دیکھے گا کہ آیا وہاں خوردبینی حیات کا امکان ہے یا نہیں یا ماضی میں کبھی ایسا ہوتا رہا ہے؟ جیٹ پروپلشن لیبارٹری میں ہائی بے ون کلیننگ روم میں یہ لائیوکیمرہ نصب ہے۔ جس میں آپ 24 گھنٹے خلائی جہاز کی پیشرفت دیکھ سکتے ہیں۔ اس کیمرے کو سی انگ 2020 کا نام دیا گیا ، جہاں آپ پیر اور جمعرات کو 5 گھنٹے تک ماہرین سے ٹیکسٹ کی صورت میں سوالات لکھ کر ان کے جوابات حاصل کرسکیں گے اور ناسا کی میڈیا ٹیم اس کے جوابات دے گی۔ مشن میں شامل ہیلی کاپٹر کا مقصد سائنسی تحقیق نہیں بلکہ مریخ کی انتہائی کم فضا میں کسی ہیلی کاپٹر کی پرواز کا تجربہ کرنا ہے۔ مارس 2020 کی تیاری براہ راست تیاری کو دیکھنے کے لئے اس لنک پر کلک کیجئے اور آپ کا لنک یوٹیوب لائیو ویڈیو میں کھل جائے گا۔


مزید خبریں

عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟