کراچی میں آج بھی شدید گرمی کا راج برقرار

کراچی میں آج بھی شدید گرمی کا راج برقرار

شہر قائد میں آج بھی گرمی کی شدت برقرار رہے گی دن کے اوقات میں درجہ حرارت 39 سے 41 ڈگری تک جانے کا امکان ہے۔     گزشتہ چند روز سے کراچی شدید گرمی کی لپیٹ میں ہے، محکمہ موسمیات نے پہلے ہی کراچی میں ہیٹ ویو الرٹ جاری کر رکھا ہے۔ سمندری ہوائوں کی بندش، حبس اور لو نے شہریوں کا برا حال کررکھا ہے۔ دوسری جانب کے الیکٹرک کی جانب سے کی جانے والی اعلانیہ اور غیر اعلانیہ لوڈشیڈنگ سے شہری بلبلا اٹھے ہیں۔ کراچی کے باسیوں کو مزید ایک روز تک گرمی برداشت کرنے پڑے گی پیر سے درجہ حرارت معمول پر آنا شروع ہوجائے گا۔ محکمہ موسمیات کے مطابق گرمی کی حالیہ لہر کل تک جاری رہنے کا امکان ہے، پیر سے درجہ حرارت میں کمی آنا شروع ہوجائے گی، تاہم سمندری ہوائیں آج بھی معطل رہیں گی جبکہ شہر کا درجہ حرارت 39 سے 41 ڈگری سینٹی گریڈ تک جاسکتا ہے۔ محکمہ موسمیات نے خبردار کیا ہے کہ دن کے اوقات میں نمی کا تناسب بڑھنے سے گرمی شدت زیادہ محسوس کی جائے گی۔ لہٰذا شہر میں شدید گرمی کے پیش نظر ہیٹ سٹروک سینٹر قائم کئے گئے ہیں۔ طبی ماہرین نے لوگوں کو دن کے اوقات میں غیر ضروری طور پر گھروں سے باہر نکلنے سے منع کیا ۔ اس کے علاوہ جسم میں پانی کی کمی دور کرنے کے لئے پانی اور مشروبات کا استعمال بڑھانے کی بھی ہدایت کی گئی۔


مزید خبریں

عوامی سروے

سوال: کیا آپ کووڈ 19 کے حوالے سے حکومتی اقدامات سے مطمئن ہیں؟