کوہلی کی سمتھ کے ساتھ برے سلوک پر معافی

کوہلی کی سمتھ کے ساتھ برے سلوک پر معافی

ورلڈکپ میں بھارت اور آسٹریلیا کے مابین میچ کے دوران بھارتی تماشائیوں کے ناروا سلوک پر ویرات کوہلی کو شرمندگی اٹھانا پڑی۔ اوول میں بھارت اور آسٹریلیا کے درمیان میچ کے دوران بھارتی تماشائی آپے سے باہر ہوگئے اور سٹیون سمتھ پر آوازیں کسنے لگنے ، جس کے جواب میں بھارتی کپتان ویرات کوہلی اپنی بیٹنگ کے دوران تماشائیوں کے پاس گئے اور انہیں چپ رہنے کا مشورہ دیا۔ میچ کے بعد پریس کانفرنس کے دوران ویرات کوہلی اس واقعے پر بھارتی شائقین سے ناراض نظر آئے۔ کوہلی نے کہا کہ سٹیون سمتھ نے ایسا کچھ نہیں کیا تھا کہ انہیں تنگ کیا جاتا، بھارتی شائقین نے بری مثال قائم کی ۔ بھارتی کپتان نے بھارتی شائقین کی جانب سے سٹیون سمتھ کے ساتھ ناروا سلوک کرنے پر آسٹریلوی کرکٹر سے معذرت بھی کی۔ واضح رہے کہ بھارتی شائقین کا غیرملکی ٹیموں کے ساتھ کیا جانے والا یہ سلوک پہلی مرتبہ نہیں، اس سے قبل بھی کئی مرتبہ بھارتی شائقین دوسری ٹیموں کے کھلاڑیوں کے ساتھ برا سلوک کرتے آئے ہیں اور خاص کر بھارت کی ہار کے وقت شائقین آپ سے باہر ہوجاتے ہیں۔


مزید خبریں

عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟