کیچپ کا زیادہ استعمال نقصان دہ

 کیچپ کا زیادہ استعمال نقصان دہ

اکثر لوگ ہر ڈش کے ساتھ کیچپ کھانا پسند کرتے ہیں اور یہی وجہ ہے کہ ماہ رمضان میں کیچپ کے استعمال میں بھی اضافہ ہو جاتا ہے۔ کیچپ کا استعمال نظام انہضام کیلئے بیحد نقصان دہ ہے۔  میڈیا رپورٹ کے مطابق ٹماٹو کنسنٹریٹ کے عمل میں ٹماٹر کو بہت زیادہ پکایا جاتا ہے جس کے بعد اس کے بیج اور چھلکا ہٹا کر اسے دوبارہ پکاتے ہیں جس سے اس میں موجود وٹامن اور منرلز ختم ہو جاتے ہیں۔  ہائی فرکٹوز کارن سیرپ صرف کیچپ نہیں بلکہ کولڈ ڈرنکس اور اجناس وغیرہ میں موجود ہوتا ہے جس سے موٹاپے کا خطرہ بڑھتا رہتا ہے۔ کارن سیرپ ہائی فرکٹوز کارن سیرپ جیسا ہی ایک اور سیرپ ہوتا جس کی وجہ سے کیچپ میں مزید مٹھاس پیدا ہوتی ہے جو صحت کیلئے بہتر نہیں۔ کیچپ میں شامل نیچرل فلیورز کے باعث مختلف طرح کی فوڈ الرجیز پیدا ہو سکتی ہیں۔ کیچپ میں مختلف طریقوں سے چینی کا بے حد استعمال کیا جاتا ہے جس سے اس کی مٹھاس میں اضافہ ہوتا ہے اور بے انتہا مٹھاس ہماری صحت کیلئے بہت زیادہ فائدہ مند نہیں، اس لئے اس رمضان اپنے کھانوں میں کیچپ کا استعمال کم کرنا بہتر ہے۔


مزید خبریں

عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟