25 مئی 2019
تازہ ترین
ایران سے طوفان کا نیا سسٹم بلوچستان میں داخل،ندی نالوں میں طغیانی

ایران سے طوفان کا نیا سسٹم بلوچستان میں داخل،ندی نالوں میں طغیانی

ایران سے طوفان کا نیا سسٹم بلوچستان میں داخل ہوگیا  جس کے باعث طوفانی بارش اور عالہ باری سے ندی نالوں میں طغیانی آگئی۔ محکمہ موسمیات کے مطابق خضدار، چمن اور دکی سمیت شمال اور مغربی بلوچستان میں طوفانی بارش اور عالہ باری سے ندی نالوں میں طغیانی آگئی ہے۔ محکمہ موسمیات کا کہنا ہے کہ ملک کے بیشتر علاقوں میں کہیں تیز اور ہلکی بارش کا امکان ہے، مکران کے ساحلی علاقوں میں تیز ہوائوں اور گرج چمک کے ساتھ بارش کا امکان ہے جب کہ وادی کوئٹہ اور گردونواح میں مطلع جزوی طور پر ابرآلود ہے ۔ محکمہ موسمیات کے مطابق گزشتہ 24 گھنٹوں کے دوران عوب میں 8 ملی میٹر بارش ریکارڈ کی گئی جب کہ قلات میں 6، بارکھان میں 2 اور دالبندین میں ایک ملی میٹر بارش ریکارڈ کی گئی۔ ادھر لاہور، گوجرانوالہ، گجرات، جہلم اور پشاور میں بھی رات گئے بارش ہوئی جس کے بعد موسم سہانا ہوگیا۔ محکمہ موسمیات کا بتانا ہے کہ کوئٹہ میں کم سے کم درجہ حرارت 14 ڈگری سینٹی گریڈ ریکارڈ کیا گیا اور صوبے میں بارش کے باعث مختلف شہروں میں گرمی کا زور ٹوٹ گیا۔ دوسری جانب کراچی میں آج اور کل  مطلع جزوی ابرآلود رہے گا جب کہ تیز ہوا کے ساتھ بوندا باندی اور ہلکی بارش کا بھی امکان ہے۔


مزید خبریں

عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟