800 سال پرانا موبائل فون دریافت

ماہرین آثار قدیمہ اور خلائی مخلوق پر یقین رکھنے والوں نے ایک انوکھا دعویٰ کیا ہے، جس کے مطابق انہوں نے 800 سال پرانا موبائل فون دریافت کر لیا ۔ میل آن لائن کی رپورٹ  کے مطابق ماہرین کے اس دعویٰ کے بعد سازشی نظریات کے حامی افراد کے مابین ایک نئی بحث شروع ہوگئی۔ ماہرین کو آسٹریا سے مٹی کی بنی ہوئی ایسی چیز ملی ہے، جس کی شکل جدید موبائل فون سے ملتی جلتی ہے۔ نوکیا کے پرانے ماڈل کے موبائل سے ملتی جلتی اس چیز پر قدیم زبان کے حروف میں کچھ لکھا ہوا بھی ہے۔ جو بالکل موجودہ زمانے کے بٹنوں کی شکل میں ہے۔ اس زبان کے بارے میں زیادہ معلومات نہ ہونے کے باعث بہت سے لوگ اسے افواہ قرار دے رہے ہیں۔ تاہم خلائی مخلوق پر یقین رکھنے والے اسے خلائی مخلوق کی موجودگی کے ثبوت کے طور پر لے رہے ہیں۔ ان کے مطابق 800 سال پرانا یہ فون ثبوت ہے کہ خلائی مخلوق زمین پر آئی تھی۔ اس کے علاوہ انہوں نے کہا کہ اس فون سے ماضی اور مستقبل کا سفر یعنی ٹائم ٹریول بھی ثابت ہوتا ہے۔ ان افراد کا خیال ہے کہ یہ ماڈل کسی ایسے شخص نے بنایا ہوگا جسے مستقبل کے بارے میں تمام معلومات تھیں۔


عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟