21 ستمبر 2018
تازہ ترین
7 دن ریڈی ایٹر کا پانی پی کر زندہ رہنے والی خاتون

 امریکا میں مونٹیری کائونٹی کے ساحلی علاقے کی چوٹی سے کار سمیت گر جانے والی پورٹ لینڈ  کی 23 سالہ خاتون کا ایک ہفتے بعد سراغ لگا لیا گیا، سات روز تک خاتون نے اپنی جیپ کے ریڈی ایٹر کا پانی پی کر توانائی بحال رکھی۔ بین الاقوامی خبر رساں ادارے کے مطابق امریکی شہر پورٹ لینڈ کی 23 سالہ خاتون انجیلا ہرنانڈیز ایک ہفتے قبل کیلیفورنیا کے ساحلی علاقے میں لاپتا ہوگئی تھیں ان کی تلاش میں ریسکیو اہلکاروں کو ناکامی کا سامنا تھا کہ دو بائیکرز کو 61 میٹر بلند چوٹی کے نیچے تباہ کار نظر آئی جس پر ریسکیو ادارے کو مطلع کیا گیا۔ ریسکیو ادارے کے اہل کاروں نے 61 میٹر چوٹی سے نیچے اتر کر دیکھا تو تباہ حال جیپ میں انجیلا نحیف حالت میں موجود تھیں، جنہیں طبی امداد کے لئے ہیلی کاپٹر کے ذریعے قریبی ہسپتال منتقل کر دیا گیا ،جہاں ان کی حالت خطرے سے باہر ہے۔ ریسکیو حکام کے مطابق خاتون کی جیپ کے سامنے اچانک ایک کتا آگیا تھا جسے بچانے کی کوشش میں وہ کھائی میں گرگئیں جس کی وجہ سے ان کے کندھے میں چوٹ آئی، تاہم خوش قسمتی سے وہ نہ صرف اتنی اونچائی سے گرنے کے بعد محفوظ رہیں بلکہ انہوں نے سات دن تک صرف جیپ کے ریڈی ایٹر کا پانی پی کر گزارا کیا۔


عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟