26 ستمبر 2018
تازہ ترین
12لاکھ معمر برطانوی باشندے  تنہائی کا شکار

معمر افراد کو جہاںدوسرے بہت سے مسائل کا سامنا رہتا ہے وہاں انہیں تنہائی کے عمرانی اور سماجی مسئلے سے بھی دوچار ہونا پڑتا ہے کیونکہ بالعموم ریٹائرڈ افراد کو نظرا نداز کیا جاتا رہا ہے اور انہیں نظرانداز کرنے والوں میں خود انکے بال بچے شامل ہوتے ہیں جس کی وجہ سے انکا احساس تنہائی بڑھ جاتا ہے۔ اس حوالے سے ایک مقامی فلاحی ادارے نے جو سروے کیا ہے اس کی رپورٹ میں بتایا گیا ہے کہ کم از کم 12لاکھ معمر برطانوی باشندے شدید احساس تنہائی کا شکار ہیں اورانکا واحد حل یہ ہے کہ ان کےلئے دیہی ماحول فراہم کیا جائے اور دیہات کی طرح رہنے سہنے کا انتظام کیا جائے کیونکہ دیہی باشندے بالعموم ایک دوسرے کا خیال رکھتے ہیں جو ایک بڑی نعمت ہے۔ ان افراد کا دوسرا بڑا مسئلہ رہنے سہنے کی جگہ ہے جبکہ بعض علاقوں میں 2کمرے کے مکان کی کم سے کم قیمت ایک لاکھ20ہزار پونڈ سے شروع ہوتی ہے۔ لوگ سال نو او راس قسم کی دوسری تقریبات کے موقع پر جمع ہوتے ہیں اور ایک دوسرے کی صحبت سے لطف اندوز ہوتے ہیں مگر بعض معمر افراد ایسے ہوتے ہیں جن سے نہ تو کوئی ملنے آتا ہے او رنہ ہی وہ کسی سے ملنے کے لئے جاتے ہیں۔


عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟