17 نومبر 2019
تازہ ترین
بھارت میں ڈیم ٹوٹنے سے 6 افراد ہلاک، 30 لاپتہ

بھارت میں ڈیم ٹوٹنے سے 6 افراد ہلاک، 30 لاپتہ

بھارتی ریاست مہاراشٹرا میں موسلا دھار بارشوں کے باعث ڈیم ٹوٹ گیا جس کے نتیجے میں 6 افراد ہلاک اور 30 لاپتہ ہوگئے۔بین الاقوامی خبر رساں ادارے کے مطابق بھارتی ریاست مہاراشٹرا میں مون سون کی شدید بارشوں نے بڑے پیمانے پر تباہی مچا دی، ضلع رتنگری میں تیواری ڈیم ٹوٹنے کے باعث 6 افراد ہلاک اور 30 سے زائد لاپتہ ہو گئے۔ بھارتی ریسکیو ادارے این ڈی آر ایف کا کہنا ہے کہ لاپتہ افراد کی تلاش کے لیے 2 ٹیمیں روانہ کردی گئی ہیں اور اب تک 3 لاشیں نکالی جا چکی ہیں، امدادی کاموں کے لیے بھارتی ایئر فورس کا ہیلی کاپٹر اور بحریہ کے اہلکاروں کی مدد بھی طلب کی گئی ہے۔ گزشتہ روز بھی ممبئی میں بارشوں کی وجہ سے مکانات کی دیواریں اور چھتیں گرنے سے کم از کم 22 افراد ہلاک ہو گئے تھے۔ اسی طرح شہر پونے میں بھی ایک دیوار گرنے سے 6 مزدور مارے گئے تھے۔ بارشوں نے ممبئی میں 10 سالہ ریکارڈ توڑ دیا ہے۔ دوسری جانب بھارتی محکمہ موسمیات نے آئندہ چند روز کے دوران ممبئی میں مزید شدید بارشوں کی پیش گوئی کی ہے جب کہ پہلے ہی بلدیاتی اداروں کے لیے ریڈ الرٹ جاری کیا جا چکا ہے اور شہریوں کو احتیاطی تدابیر اختیار کرنے کی ہدایت کی گئی ہے۔


مزید خبریں

عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟