23 جولائی 2019
تازہ ترین
سونے کی قمیت میں ایک بار پھر اضافہ

سونے کی قمیت میں ایک بار پھر اضافہ

سونے کی قیمت 500 روپے اضافے کے ساتھ 75 ہزار 500 روپے فی تولہ کی سطح پر آگئی ہے۔تفصیلات کے مطابق ڈالر کے مقابلے میں روپے کی قدر میں مسلسل کمی کا سلسلہ جاری ہے اور ہر روز ڈالر ملکی تاریخ کی نئی سطح پر پہنچ رہا ہے، روپے کے مقابلے میں ڈالر کی قیمت میں مسلسل اضافے کے بعد سونے کی قیمت کو بھی پر لگ گئے ہیں اور آئے روز سونے کی قیمت ملکی تاریخ کی بلند ترین سطح کو عبور کررہا ہے۔ عالمی بلین مارکیٹ میں سونے کی فی اونس قیمت میں 15 ڈالرزکا اضافہ ہوا اور سونے کی فی اونس قیمت 1350 ڈالرز کی سطح پر پہنچ گئی، عالمی مارکیٹ میں سونے کے نرخوں میں اضافے کے باعث مقامی سطح پر بھی سونے کی قیمتوں میں اضافہ دیکھا گیا اور فی تولہ اور دس گرام سونے کی قیمت میں بالترتیب 500 اور 430 روپے کا اضافہ ہوگیا۔ عالمی مارکیٹ میں سونے کی قیمتوں کے اضافے کے بعد کراچی، حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں بھی فی تولہ سونے کی قیمت بڑھ کر 75  ہزار 500 روپے اور دس گرام سونے کی قیمت اضافے کے بعد 64 ہزار 730 روپے ہوگئی۔


مزید خبریں

عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟