تازہ ترینخبریںپاکستان

58 واں یوم شہادت: میجر راجہ عزیز بھٹی شہید کو خراجِ عقیدت

افواج پاکستان اور چیئرمین جوائنٹ چیفس آف سٹاف کمیٹی نے 58 ویں یومِ شہادت پر میجرراجہ عزیزبھٹی شہید نشان حیدر کو خراج عقیدت پیش کیا۔

تفصیلات کے مطابق پاکستانی فوج کے شعبہ تعلقات عامہ (آئی ایس پی آر) کی جانب سے بیان مین کہا گیا ہے کہ میجرراجہ عزیزبھٹی شہید نشان حیدر کے 58ویں یوم شہادت پر افواج پاکستان، چیئرمین جوائنٹ چیفس آف اسٹاف کمیٹی اور سروسزچیفس نے خراج عقیدت پیش کیا۔

آئی ایس پی آر کا کہنا تھا کہ میجرراجہ عزیزبھٹی شہیدجنگ ستمبر1965کادرخشاں ستارہ ہیں، میجرراجہ عزیزبھٹی شہیددشمن کےسامنےسیسہ پلائی دیوار بنےرہے اوردفاعِ وطن کی خاطرجان قربان کی۔

ترجمان نے کہا کہ میجرراجہ عزیزبھٹی کی بےمثال بہادری دفاع وطن کویقینی بنانےمیں مشعل راہ ہے، انھوں نےاپنےلہوسےسرزمین وطن کی آبیاری کی اور ازلی دشمن بھارت کی فوج پر اپنی شجاعت و بہادری کی دھاک بٹھائی۔

آئی ایس پی آر کا مزید کہنا تھا کہ میجرراجہ عزیزبھٹی نےثابت کیاکہ بہادر سپاہی مشکلات میں گھبرایانہیں کرتا، بلا شبہ میجرراجہ عزیزبھٹی کایوم شہادت افواج پاکستان کی مادروطن کیلئےقربانیوں کامظہرہے ، ملک کی آبروکیلئےجان نچھاورکرنیوالےدرخشندہ ستارےبلاشبہ عزت وتکریم کےمستحق ہیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button