17 اگست 2019
تازہ ترین
 صادق آباد میں واقع نجی بینک میں دھماکے سے 20 افراد زخمی

 صادق آباد میں واقع نجی بینک میں دھماکے سے 20 افراد زخمی

رحیم یار خان  تحصیل صادق آباد میں واقع نجی بینک میں دھماکے سے 20 افراد زخمی ہوگئے جب کہ بینک کی عمارت مکمل تباہ ہوگئی۔  صادق آباد میں واقع نجی بینک میں زور دار دھماکا ہوا جس کے نتیجے میں بینک کی عمارت مکمل طور پر تباہ ہوکر ملبے کا ڈھیر بن گئی جب کہ واقعے میں 20 افراد زخمی ہوگئے۔ دھماکے کی اطلاع ملتے ہی پولیس اور ریسکیو اہلکار موقع پر پہنچ گئے، ریسکیو اہلکاروں نے زخمی افراد کو فوری طبی امداد کے لیے قریبی ہسپتال منتقل کردیا۔  ڈپٹی کمشنر جمیل احمد نے بتایا کہ واقعے کے بعد ہسپتالوں میں ایمرجنسی نافذ کرکے طبی عملے کو طلب کرلیا گیا ہے۔ پولیس کے مطابق دھماکے سے سے قریبی عمارتوں اور دکانوں کو نقصان پہنچا جب کہ عمارت کے قریب کھڑی 6 موٹر سائیکلوں، ایک کار اور ایک بس کو بھی نقصان پہنچا۔ پولیس نے جائے وقوعہ کو گھیرے میں لے لیا، ڈی پی او صادق آباد عمر سلامت کا کہنا ہے کہ فی الحال دھماکے کی نوعیت کا تعین نہیں ہوسکا ہے لیکن بظاہر یہ سلنڈر کا دھماکا لگتا ہے تاہم اس حوالے سے تحقیقات شروع کردی ہیں۔


مزید خبریں

عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟