30 ستمبر 2020
تازہ ترین
ا بھرتے ہوئے پاکستانی فاسٹ باولر رومان رئیس کا کیریئر داؤ پر لگ گیا

ا بھرتے ہوئے پاکستانی فاسٹ باولر رومان رئیس کا کیریئر داؤ پر لگ گیا

ا بھرتے ہوئے پاکستانی فاسٹ باولر رومان رئیس کا کیریئر داؤ پر لگ گیا۔ 30ستمبر سے ملتان میں شروع ہونے والے قومی ٹی ٹونٹی کرکٹ ٹورنامنٹ کیلئے سندھ کی 16 رکنی ٹیم میں شامل 29 سالہ کھلاڑی  ایک مرتبہ پھر  کمر  کی  پر انی تکلیف  میں مبتلا ہو گئے جس کے باعث وہ پیر کو کورونا ٹیسٹ بھی نہیں کرا سکے، رومان رئیس چیمپئنز ٹرافی 2017ئ کی فاتح قومی کرکٹ ٹیم کا حصہ رہے ہیں اور پی ایس ایل 4 میں دوران فیلڈنگ گھٹنہ زخمی کرا بیٹھے تھے۔ ذرائع نے بتایا کہ کمر کے نچلے حصے میں تکلیف کی وجہ سے معالجین نے رومان رئیس کو مکمل آرام اور سنجیدگی سے علاج کا مشورہ دیا ہے، بصورت دیگر تکلیف بڑھ کر کسی مشکل کا سبب بن سکتی ہے۔ رومان رئیس پاکستان کی جانب سے 9 ون ڈے انٹرنیشنل کرکٹ میچز میں 14 وکٹیں اپنے نام کر چکے ہیں،انھوں نے8 ٹی ٹونٹی انٹرنیشنل میں اتنے ہی کھلاڑیوں کو آؤٹ کیا۔ وہ 2016ئ کی پی ایس ایل میں ابھر کر سامنے آئے تھے، اگلے سال لیگ کے7 میچز میں 12 وکٹیں حاصل کرکے سب کی توجہ اپنی توجہ مبذول کرائی۔ چیمپئنز ٹرافی سکواڈ میں جگہ نہ بنا پانے والے رومان رئیس کومقابلوں کے دوران فاسٹ بولر وہاب ریاض کے زخمی ہونے پر بطور متبادل طلب کیا گیا تھا،پی ایس ایل میں اسلام آباد یونائیٹڈ کی نمائندگی کرنے والے رومان رئیس کراچی بلیوز، ڈولفن، زیبراز اور پاکستان انڈر 23 ٹیم کا حصہ رہے ہیں۔                         


مزید خبریں

عوامی سروے

سوال: کیا آپ کووڈ 19 کے حوالے سے حکومتی اقدامات سے مطمئن ہیں؟