30 ستمبر 2020
تازہ ترین
ہندوستان  میں کورونا وائرس سے متاثر مریضوں کی تعداد تیزی سے بڑھنے لگی

ہندوستان  میں کورونا وائرس سے متاثر مریضوں کی تعداد تیزی سے بڑھنے لگی

ہندوستان  میں کورونا وائرس سے متاثر مریضوں کی تعداد تیزی سے بڑھ رہی ہے ۔ کورونا متاثرین کے نئے معاملات سامنے آنے کے بعد اب ملک میں کورونا متاثرین کی تعداد 47 لاکھ سے تجاوز کرگئی ہے ۔ گزشتہ 24 گھنٹوں کی رپورٹ کو دیکھیں تو ملک میں کرونا کے 94 ہزار 372 نئے معاملات سامنے آئے ہیں جبکہ 1114 لوگوں کی موت ہوئی ہے ۔ نئے کیس آنے کے بعد ملک میں کرونا متاثرین کی مجموعی تعداد 47 لاکھ 54 ہزار 356 ہوگئی ہے ۔  ایک روز قبل 97 ہزار 570 نئے معاملات سامنے آئے تھے جبکہ 1201 لوگواں کو اپنی جان گنوانی پڑی تھی ۔ وزارت صحت کے مطابق ملک میں کورونا سے متاثر مریضوں کے ٹھیک ہونے کی شرح بھی تیزی سے بڑھ رہی ہے ۔ ملک میں ابھی کورونا کے 9 لاکھ 73 ہزار 175 ایکٹیو کیسیز ہیں جبکہ 37 لاکھ دو ہزار 595 لوگ ٹھیک ہوکر اپنے گھر جاچکے ہیں ۔ کورونا وائرس کی وجہ سے ملک میں اب تک 78 ہزار 586 مریضوں کی جان جاچکی ہے ۔  


مزید خبریں

عوامی سروے

سوال: کیا آپ کووڈ 19 کے حوالے سے حکومتی اقدامات سے مطمئن ہیں؟