05 دسمبر 2019
تازہ ترین
ڈیلی میل کی خبر جھوٹی ہے تو شہباز شریف عدالت میں سامنا کریں، شہزاد اکبر

ڈیلی میل کی خبر جھوٹی ہے تو شہباز شریف عدالت میں سامنا کریں، شہزاد اکبر

 مشیر برائے احتساب بیرسٹر شہزاد اکبر نے سابق وزیراعلیٰ پنجاب میاں شہباز شریف کو چیلنج کیا ہے کہ ڈیلی میل کی رپورٹ جھوٹی ہے تو وہ عدالت میں میرا سامنے کریں، ایک ایک ثبوت پیش کرونگا۔ اسلام آباد میں پریس کانفرنس کے دوران شہزاد اکبر نے اس حوالے سے رسیدیں بھی دکھائیں اور کہا کہ منی لانڈرنگ کی ساری کہانیاں سامنے آ چکی ہیں۔ حمزہ اور سلمان شہباز کے پچانوے فیصد اثاثے جعلی ٹی ٹیز کے ذریعے بنے۔ چوری کے پیسے سے بنایا گیا مال قانون کے مطابق ضبط ہوگا۔  برطانوی جریدے میں شریف خاندان کی منی لانڈرنگ کا انکشاف ہوا، سٹوری کے جواب میں الیکشن کمپین کے دوران پرانی فوٹو کو دکھایا گیا، مجھ پر سٹوری کا الزام لگایا جا رہا ہے، جھوٹ بولنے کی بھی کوئی حد ہوتی ہے۔  آنے والے دنوں میں باقی جعلی کمپنیوں کے بارے بھی بتائونگا۔ لوٹا ہوا مال آنے والے دنوں میں برآمد ہوگا اور چوری کے پیسے سے بنایا گیا مال اور گھر ضبط ہونگے۔  ٹی ٹیز کی داستانیں تفصیل سے بیان ہو چکی ہیں۔ منظور پاپڑ والے نے شہباز شریف کے صاحبزادوں کو رقم بھیجی۔ اس معاملے میں شریف خاندان کی طرف سے کوئی جواب نہیں آتا۔ اس کیس میں حمزہ زیر حراست جبکہ سلیمان شہباز مفرور ہیں۔ اثاثوں کی چھان بین کی گئی تو مزید ثبوت سامنے آئیں گے۔ گزشتہ روز شہباز شریف نے میرے اور برطانوی رپورٹر کیخلاف ہتک عزت کا بڑا دعویٰ کیا، خدارا اس دعوے کو آصف زرداری کی طرح سڑکوں پر گھسیٹنے والا نہیں کرنا، آپ کی مہربانی ہوگی میرے خلاف لندن میں کیس کریں، میں آپ کی ایک ٹی ٹیز عدالت میں پیش کرونگا۔


مزید خبریں

عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟