19 نومبر 2019
تازہ ترین
 مریم نواز کا  ہرحال میں منڈی بہائوالدین جلسہ کرنے  کا اعلان

 مریم نواز کا  ہرحال میں منڈی بہائوالدین جلسہ کرنے کا اعلان

مسلم لیگ (ن) کی نائب صدر مریم نواز نے آج ہر حال میں منڈی بہائوالدین جانے کا اعلان کردیا۔  مریم نواز نے کہا ہے کہ حکمران کہتے تھے کہ ہم احتجاج کے لیے کنٹینر فراہم کریں گے لیکن اب میں نکلی ہوں تو وہ ڈرتے کیوں ہیں؟ مریم نواز نے ٹوئٹر پر شاعرانہ انداز اپناتے ہوئے تحریک انصاف اور وزیر اعظم عمران خان کو تنقید کا نشانہ بنایا ہے۔ انہوں نے کہا کہ مانگے تانگے کی کرسی پر مرتے کیوں ہو؟، عمل نہیں تو جھوٹی باتیں کرتے کیوں ہو؟، کہتے تھے آؤ میں کنٹینر دوں گا، میں جو نکلی ہوں تو ڈرتے کیوں ہو ؟۔ایک اور ٹوئٹ میں مریم نواز نے کہا کہ خوف انسان کو نا چین سے حکومت کرنے دیتا ہے نا چین سے جینے دیتا ہے ۔گزشتہ روز منڈی بہائوالدین انتظامیہ نے مسلم لیگ (ن) کو قائداعظم گرائونڈ میں جلسے کی اجازت دینے سے انکار کردیا تھا۔ انتظامیہ نے قائداعظم گرائونڈ کو سیل کردیا جب کہ گرائونڈ میں بارش کا پانی بھی جمع ہے۔ ڈی پی او منڈی بہائو الدین کا کہنا ہے کہ سیکیورٹی خدشات کے باعث جلسے کی اجازت نہیں دی گئی، لیگی قیادت کو شہر سے باہر کھلی جگہ یا رسول روڈ اسٹیڈیم پر جلسے کیلئے کہا گیا ہے۔ دوسری جانب مسلم لیگ (ن) کی نائب صدر مریم نواز نے آج ہر حال میں منڈی بہائوالدین جانے کا اعلان کیا ہے۔ انہوں نے کہا کہ حکومت کو اصل خوف نواز شریف کے پیچھے کھڑی عوامی طاقت کا ہے۔


مزید خبریں

عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟