16 نومبر 2018
گھنٹوں مطالعہ کرنے والے ذہین طالبعلم کی ویڈیو مقبول

 یوٹیوب پر مقبول ہونے والی ویڈیوز میں اکثر نئی معلومات، گفتگو، طنز و مزاح یا فلمی دنیا کی افواہیں اور خبریں ہوتی ہیں لیکن جنوبی کوریا کے ایک یوٹیوبر نے کئی گھنٹوں تک بہت پرسکون ماحول میں اپنے پڑھنے کی ویڈیو اپ لوڈ کی ہیں جس میں اس نے ایک لفظ بھی نہیں بولا اور اس کے باوجود ویڈیوز دیکھنے والوں کی تعداد لاکھوں میں ہیں اور اس چینل کے سبسکرائبر کی تعداد اب 3 لاکھ 30 ہزار صارفین سے تجاوز کر چکی ہے۔ جنوبی کوریا کے اس محنتی طالبعلم کی ویڈیو کا دورانیہ سات گھنٹے تک طویل ہے جس میں انہیں نوٹس لیتے، لکھتے اور پڑھتے ہوئے دکھایا گیا ۔ اس کے علاوہ وہ اپنے تعلیمی مشاغل کی لائیو ویڈیو بھی سٹریم کرتے ہیں اور ہزاروں لوگ اسے براہ راست دیکھ کر اس پر تبصرہ بھی کرتے رہتے ہیں۔ اس ویڈیو کا کوریائی نام بوٹ نو جیم رکھا گیا ، جس کے مطلب ہے کہ یہ ایک روبوٹ جسے تفریح میسر نہیں ہے۔ یہ طالبعلم جنوبی کوریا میں روز بروز مقبول ہورہا ہے اور اس کی ویڈیو کا ایک ہی عنوان ہوتا ہے،  میرے ساتھ پڑھو۔ ان میں سے ایک ویڈیو کم سے کم چھ گھنٹے طویل ہے۔ طالبعلم کی پہلی ویڈیو ایک سال پہلے منظر عام پر آئی تھی اور اس نے براہ راست ویڈیو گزشتہ ماہ سے نشر کرنا شروع کی ہیں۔ یہ طالبعلم پولیس افسر بننے کے امتحانات کی تیاری کر رہا ہے اور مکمل خاموشی میں توجہ سے پڑھتا دکھائی دیتا ہے۔ حیرت انگیز بات یہ ہے کہ اس کے چہرے کے تاثرات بہت کم نمایاں ہیں اور یہ بہت ہی کم حرکت کرتا ہے۔ اس نوجوان نے اپنے ویڈیو بلاگز بھی پوسٹ کئے ہیں جن میں اسے باہر جاتے، کھانا کھاتے اور ورزش کرتے ہوئے دیکھا جاسکتا ہے۔ اس کے ٹویٹر اکائونٹ کے بھی 4200 فالوورز ہیں۔


عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟