14 نومبر 2018
تازہ ترین
کمپیوٹر کی بورڈ پر انگلیوں کی حرارت ہیکنگ کی وجہ

برطانوی سائنسدانو ں نے ہیکنگ کے مسئلے پر ٹیکنیکل تحقیقی کام کے بعد یہ انکشاف کیا کہ لوگوں کو اپنے کمپیوٹر کی بورڈ کا بھی خیال رکھنا چاہئے اور استعمال کے بعد ان کی بورڈز کو رومال یا ٹشو سے صاف کر دینا چاہئے ورنہ انگلیوں کی حرارت استعمال شدہ کیز میں منتقل ہوجاتی ہے اور اسی حرارت سے بڑے بڑے ہیکرز صارفین کے پاس ورڈز، بینک کی تفصیلات اور دیگر معلومات حاصل کرکے جرائم کرتے ہیں۔ ایسا کرنے والے ہیکرز اپنے جرم کی تکمیل کیلئے تھرمل قسم کے کیمرے استعمال کرتے ہیں،  جو اس بات کی صلاحیت رکھتے ہیں کہ استعمال ہونے والی کیز میں حرارت کی جو رمق رہ گئی ہو اسکا بھی عکس لے سکیں اور اسے استعمال کر سکیں۔ بعد میں ماہر ہیکرز ان تصاویر کو آپ کے پاس ورڈز اور دیگر تفصیلات جاننے کیلئے استعمال کر لیتے ہیں۔ اس قسم کی چوری کو سائنسدانوں نے نئی قسم کا سائبر حملہ قرار دیا  اور اسے تھرمینیٹر کا نام دیا گیا  ۔ کہا جاتا ہے کہ کیز میں رہ جانے والی حرارت 30سیکنڈ تک برقرار رہتی ہے۔


عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟