24 ستمبر 2018
تازہ ترین
ڈالر کی اجارہ داری اب ختم ہونے والی ہے،روسی وزیر خارجہ

 روس کے وزیر خارجہ سرگئی لاوروف نے کہا ہے کہ امریکی ڈالر تنزلی کا شکار ہے جس کی وجہ سے عالمی مارکیٹ میں ڈالر کی اجارہ داری اب ختم ہونے والی ہے۔ بین الاقوامی خبر رساں ادارے کے مطابق روس کے وزیر خارجہ سرگئی لاوروف نے اپنے ترک ہم منصب سے انقرہ میں ملاقات کی جس میں دونوں رہنماؤں نے امریکا کی متعصبانہ پالیسیوں اور ترکی پر اقتصادی پابندیوں سے پیدا ہونے والی صورت حال پر تبادلہ خیال کیا۔ ملاقات کے بعد مشترکہ پریس کانفرنس کرتے ہوئے روسی وزیر خارجہ کا کہنا تھا کہ بڑی طاقتوں کے غلط فیصلوں کے باعث ڈالر تنزلی کی جانب سے گامزن ہے اور یہی صورت حال برقرار رہی تو بہت جلد ڈالر کا عالمی مارکیٹ سے خاتمہ ہو جائے گا۔ روس اب ترکی اور دیگر ممالک کے ساتھ تجارت کے لیے قومی کرنسی میں لین دین کے راستے تلاش کر رہا ہے۔ اس موقع پر ترک وزیر خارجہ نے روسی ہم منصب کی آمد پر شکریہ ادا کرتے ہوئے کہا کہ اب ترکی نے بھی امریکی ڈالر کو ترک کرکے مقامی کرنسی میں تجارت کا آغاز کر دیا ہے۔


عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟