22 فروری 2019
تازہ ترین
پانی کی طرح شکل بدلنے والا روبوٹ

سائنس دان ایسے لچکدار روبوٹ بنانے میں کامیاب ہو گئے ، جو پانی کی طرح اپنی شکل تبدیل کرنے کی صلاحیت رکھتے ہیں اور یہ انسانی خون میں تیرنے کی صلاحیت بھی رکھتے ہیں۔ تحقیقی جریدے سائنس ایڈوانس میں شائع ہونے والے ایک مقالے کے مطابق سائنس دان سلمان ساکر کی قیادت میں دو ماہرین ایسے لچکدار روبوٹس بنانے میں کامیاب ہو گئے  جو مائع کی طرح اپنی شکل تبدیل کر لیتے ہیں۔ ان روبوٹس کو بیکٹیریا کی شکل کی طرح بنایا گیا ، جو تیرنے کی صلاحیت سے بھی مالا مال ہیں اور یہ اطراف کے ماحول کے تحت اپنی شکل بھی تبدیل کر لیتے ہیں، یہاں تک کہ اپنی رفتار کم کئے بغیر خون کی نالیوں میں بھی سفر کر سکتے ہیں۔ ان روبوٹس میں ایسا انٹیلی جنس پروگرام مرتب کیا گیا ہے جس کی مدد سے یہ روبوٹس پانی اور خون میں بھی تیر سکتے ہیں اور اپنے تفویض کردہ فرائض کی درست طریقے سے انجام دہی بھی کر سکتے ہیں جس کے باعث طب کی دنیا میں اسے انقلاب تصور کیا جارہا ہے۔ سائنس دان اس ایجاد کو جسم میں دوا کی ترسیل، جراحت اور پیچیدہ زخموں کو بھرنے میں معاون ایجاد قرار دے رہے ہیں جن کی مدد سے طب کی دنیا میں حیرت انگیز کام انجام دیئے جا سکیں گے۔


عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟