24 اپریل 2019
تازہ ترین
پارک لین کمپنی کیس پر نیب کا دائرہ اختیار نہیں، زرداری

پارک لین کمپنی کیس پر نیب کا دائرہ اختیار نہیں، زرداری

 جعلی بنک اکائونٹس کیس میں آصف زرداری نے نیب نوٹسز کا جواب دے دیا۔ انہوں نے کہا پارک لین کمپنی کیس پر نیب کا دائرہ اختیار نہیں، نیب قانون کے تحت نجی کمپنی کے معاملات پر احتساب بیورو کارروائی نہیں کرسکتا۔ سابق صدر نے پارک لین کمپنی اور بلٹ پروف گاڑیوں کے نوٹسز کا جواب نیب ٹیم کے حوالے کر دیا۔ آصف زرداری نے 55 سوالوں کے تحریری جواب دے دیئے۔ جواب میں کہا گیا ہے کہ پارتھینون کمپنی کو نیشنل بینک کے ڈیڑھ ارب روپے قرض کا علم نہیں، پارک لین کمپنی 1989 میں صدرالدین ہاشوانی سے خریدی، اقبال میمن، کم عمر بلاول، رحمت اللہ، محمد یونس، الطاف حسین میرے شراکت دار تھے۔  جواب میں مزید کہا گیا کہ پارک لین کمپنی میں صرف 25 فیصد حصص کا مالک تھا، صدر بننے سے پہلے یکم ستمبر 2008 کو کمپنی ڈائریکٹرشپ سے مستفی ہوا، میرا اور بلاول بھٹو کا پارتھینون کمپنی سے کوئی تعلق نہیں، پارک لین کمپنی میں ایک چھوٹا شراکت دار ہوں، نجی کمپنی سے متعلق نیب کا سوالنامہ اختیارات سے تجاوز ہے۔


مزید خبریں

عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟