24 اپریل 2019
تازہ ترین
ٹھٹہ ،مسافر ٹرین کو بم سے اڑانے کی کوشش ناکام ،ٹرینوں کی آمدورفت بحال

ٹھٹہ ،مسافر ٹرین کو بم سے اڑانے کی کوشش ناکام ،ٹرینوں کی آمدورفت بحال

 پولیس نے جنگ شاہی کے قریب ریلوے ٹریک پر نصب بم برآمد کرلیا جسے بعدازاں ناکارہ بناتے ہوئے ٹرین آپریشن بحال کردیا گیا۔ جنگ شاہی ریلوے سٹیشن سے تین کلو میٹر دور ٹریک پر نصب بم برآمد ہونے کے بعد کراچی سے اندورن ملک جانے والی اور لاہور اور راولپنڈی سے کراچی آنے والی ٹرینوں کو مختلف سٹیشنز پر روک لیا گیا۔ تخریب کاری کے اس واقعے میں نامعلوم دہشت گردوں نے ڈائون ٹریک ( لاہور اور راولپنڈی سے کراچی آنے والے ٹریک) پر دھابیجی اور جنگ شاہی کے درمیان ریموٹ کنٹرول بم نصب کیا۔ ٹھٹھہ میں بم ڈسپوزل سکواڈ نہ ہونے کی وجہ سے حیدرآباد سے بی ڈی ایس کے اہلکاروں کو طلب کیا گیا جب کہ ایس ایس پی شبیر سیٹھار کے مطابق حیدرآباد سے آنے والے بی ڈی ایس عملے نے 500 گرام وزنی بم ناکارہ بنادیا۔  ایس ایس پی کے مطابق واقعے کے بعد مختلف علاقوں میں چھاپوں کے دوران 7 مشکوک افراد کو زیرحراست میں لیتے ہوئے نامعلوم مقام پر منتقل کردیا جب کہ ایک مشکوک شخص سے بارودی مواد بھی برآمد ہوا ہے۔ ایس ایس پی شبیر سیٹھار کا مزید کہنا تھا کہ بم ناکاہ بنائے جانے کے بعد ریلوے ٹریک کلیئر کردیا گیا اور تمام ٹرینیں اپنی اپنی منزل کی طرف روانہ ہوگئیں۔


مزید خبریں

عوامی سروے

سوال: کیا پی ٹی آئی انتخابات سے قبل کیے گئے وعدے پورے کر پائے گی؟